Description

Iha loron 18 Setembru 2016, iha tuku 04.00 lokraik akontese joven sira kontinua tuda malu tanba diferente grupu arte marsiál iha Aldeia Golgota (Rai Kotu), Suku Comoro, Postu Administrativu Dom Aleixo, Munisipiu Dili. Insidente ne’e hanesan kontinuasaun husi insidente tanba diferensa arte marsiál bainhira lori mate isin joven na’in rua ne’ebé hetan asidente iha Meti-Aut. Insidente ne’e akontese bainhira família sira lori mate isin atu ba hakoi mak mosu tuda malu entre joven sira. Insidente ne’e rezulta mós membru polísia ida hetan kanek iha ulun tanba tuda ho fatuk. Polisia halo intervensaun hodi akalma situasaun. Kazu ne’e submete ba prosesu investigasaun.