Description

Iha loron 19 Setembru 2016, maizumenus tuku 11.55 kalan akontese grupu ida halo asaltu no brutal iha festa laran iha Aldeia Samaliu, Suku Loihuno, Postu Administrativu Ossu, Munisipiu Viqueque. Insidente ne’e komesa ho família ida mak atu halo festa no momentu ne’ebá família ne’ebé atu halo festa ne’e bolu ho joven ida no sira ba atu dada karau, maibé la espera karau tuku joven ne’ebé sira bolu to’o hetan kanek todan no lori ba baixa iha Ospitál. Tuir mai família husi joven ne’ebé karau tuku ne’e mak hirus hodi halo asaltu ba festa tanba festa na’in lakohi tau matan ba joven ida ne’ebé karau tuku. Iha akontesimentu ne’e sira tuda no baku ema sira iha festa laran ne’ebé kauza ema na’in 4 kanek todan iha parte ulun. Família no Polisia mak akalma, no kazu ne’e submete ona ba investigasaun maibé seidauk rezolve.