Description

Iha loron 25 Setembru 2016, iha tuku 09.00 kalan akontese mane ida na’ok osan konsesaun eskolár iha Aldeia Alala, Suku Ualili, Postu Administrativu Baucau, Munisipiu Baucau. Tuir informasaun ne’ebé verifika ho OPS, iha mane ida mak deskonfia sunu mutuk printer eskola nian iha Eskola Ensinu Báziku Sentrál Uailili nian no aproveita na’ok osan konsesaun eskolár ho montante dolar Amerikanu rihun tolu atus rua resin. Osan hirak ne'e, tuir komandante Polisia munisipiu Baucau Superintendente agora daudauk iha hela polísia nia liman hanesan evidénsia ida hodi prosesa mane ne’ebé deskonfia na’ok ba ministériu públiku. Tuir Komandante, Polisia halo ona kapturasaun tanba hetan kooperasaun di’ak ho komunidade sira bainhira nia tenta buka dalan atu sees-an ka halai sai husi munisipiu Baucau ba munisipiu Lautem. Ema ne’ebé na’ok osan agora iha hela sela detensaun polísia hodi submete ba investigasaun. Polisia mós kontinua halo investigasaun tanba sira deskonfia iha tan ema seluk mak envolve iha kazu ne’e, tanba brankas ne’ebé tau osan todan no ema ida mesak labele muda.