Description

Iha loron 24 Setembru 2016, iha tuku 10.00 kalan akontese militante husi Partidu KHUNTO baku joven na’in rua ne’ebé uza atributu partidu seluk iha Aldeia Samagia, Suku Tequenaumata, Postu Administrativu Laga, Munisipiu Baucau. Tuir informasaun husi Xefe Suku no OPS katak, insidente akontese bainhira Partidu KHUNTO halo konsolidasaun no iha kalan halo divertimentu (dahur no dansa) entaun joven na’in rua ne’ebé uza atributu partidu seluk mós hakarak ba partisipa iha eventu ne’e. Ho ida ne’e mak Partidu KHUNTO nia ema sira ne’ebé halo seguransa iha dalan mak baku joven na’in rua ne’e tanba sira deskonfia joven sira ne’e atu estraga serimónia. Polisia Eskuadra Laga mak halo intervensaun no submete ona ba prosesu investigasaun.