Description

Iha loron 22 Setembru 2016, iha tuku 09.00 kalan akontese joven sira ho sasán kro’at tenta halo asaltu ba malu iha Aldeia Kaikasalari, Suku Tequenaumata, Postu Administrativu Laga, Munisipiu Baucau. Tuir informasaun husi Komandante Polisia Eskuadra Laga, insidente ne’e akontese tanba iha joven ida husi Aldeia Kaikasalari mak ho motor atu ba merkadu, maibé bainhira to’o iha bairru Asiuai joven balun uza ai-dona no katana, entaun joven ne’e kontaktu fali ba nia kolega sira dehan ema taa nia iha dalan. Ho ida ne’e mak joven ne’e nia maluk sira hirus hodi foti katana no samurai atu ba asalta joven sira iha bairru Asiuai. Maibé insidente ne’e la akontese tanba komunidade sira informa ba polísia Laga hodi halo intervensaun kedas.