Description

Iha loron 27 Setembru 2016, maizumenus tuku 11.55 kalan akontese polísia kaer joven ida tanba tuda karreta patrollamentu polísia iha Aldeia Rialau, Suku Letefoho, Postu Administrativu Same, Munisipiu Manufahi. Insidente ne’e akontese bainhira polísia halo hela patrollamentu no iha joven balun mak hamriik iha estrada ninin, derrepente sira tuda karreta polísia nian. Ho ida ne’e mak polísia halo atuasaun hodi duni joven sira ne’e no konsege kaer joven ida hodi submete ba investigasaun no detein joven ne’e. Polisia mós halo investigasaun atu buka tuir joven seluk ne’ebé tuda karreta.