Description

Iha loron 23 Setembru 2016, maizumenus tuku 01.00 dadeer madrugada akontese joven sira tuda malu tanba odi malu privadu iha Aldeia Zero Trez, Suku Mascarinhas, Postu Administrativu Vera Cruz, Munisipiu Dili. Insidente ne’e akontese tanba joven sira odi malu ne’ebé liga ho arte marsiál. Insidente ne’e halo komunidade sira pániku no ta’uk tanba joven sira tuda kona mós sira nia uma ne’ebé halo kaleen tarutu. Polisia mak halo intervensaun no konsege kaptura joven balun hodi tama iha sela durante oras 72. Kazu ne’e submete ba investigasaun iha polísia.