Description

Iha loron 23 Setembru 2016, iha tuku 11.00 dadeer akontese estudante sira ataka malu no baku malu iha Aldeia Becusse Centro, Suku Becora, Postu Administrativu Cristo Rei, Munisipiu Dili. Insidente ataka malu entre estudante ne’e envolve estudante husi Eskola Téknika Vokasionál (STM) ho estudante 28 Novembru tanba odi malu antes. Iha akontesimentu ne’e, Estudante ida atu ba eskola iha Sekundária 28 Novembru, to'o iha dalan klaran mosu grupu estudante balun hosi kotuk konsege lori katana taa estudante ne'e iha parte liman karuk no kidan karuk. Estudante ne’e hetan kanek no lori kedas ba HNGV hodi hetan tratamentu. Insidente ne'e parte Polisia to'o kedas iha fatin akontesimentu maibé autór sira halai lakon, maibé Polisia sei buka tuir hodi halo kapturasaun hodi hatán tuir dalan justisa.