Description

Iha loron 12 Outubru 2016, iha tuku 04.00 lokraik akontese joven mane na’in rua baku malu iha lia kore-metan iha Aldeia Berleumeta, Suku Tohumeta, Postu Administrativu Laulara, Munisipiu Aileu. Tuir informasaun ne’ebé verifika ho Xefe Aldeia no Komunidade ne’ebé hela besik, insidente akontese hafoin família sira halo tiha serimónia kore-meta ida. Momentu ne’ebá joven na’in rua ne’e baku malu tanba sasán ne’ebé lori husi feto-sá no uma mane, sira fahe la hanesan. La iha ema ruma mak halo intervensaun no problema ne’e xefe aldeia no lia na’in sira tenta hela atu rezolve.