Description

Iha loron 17 Setembru 2016, maizumenus tuku 04.20 lokraik akontese grupu joven halo ameasa ba Xefe Suku ida iha Aldeia Uai-Dau, Suku Loi-Lubu, Postu Administrativa Vemasse, Munisipiu Baucau. Tuir informasaun husi Monitorizador Belun no komunidade sira iha fatin akontesimentu, insidente ne’e akontese bainhira lider lokál ne’e hamutuk ho komunidade sira akompaña Estátua São João Paulo II hodi entrega ba Parókia Venilale. Hafoin entrega Estátua, derrepente joven na’in 4 ka 5 mak hakilar viva Lider Komunitária no ameasa sei fila ba uma ho kaixaun. Insidente ne’e deskonfia iha relasaun ho disputa rai baliza entre Bercoli no Loi-Lubu. Kauza husi akontesimentu halo komunidade sira ne’ebé akompaña estátua sente ta’uk no preokupadu. OPS mak halo intervensaun ba insidente ne’e.