Description

Iha loron 15 Janeiru 2015, tuku 11.30 dadeer, iha Aldeia Caimegi Ulu, Suku Lauhata, Postu Administrativa Bazartete, Munisipiu Liquiça akontese família rua asalta malu tanba hadau malu rai. Motivu husi insidente ne'e tanba família uma mane la fó rai (to'os) ba família mane foun ne’ebé durante ne’e uza hanesan na’in ba rai refere. Família rua haksesuk malu no konsege asalta malu. Impaktu husi insidente ne’e, estraga propriedade hanesan ai-horis no lutu baliza rai nian. Kazu ne'e hetan atendimentu direta husi Xefe Aldeia no PNTL. Kazu ne’ebé refere seidauk hetan solusaun no relasaun parte rua la di’ak.