Description

Iha loron 15 Novembru 2014, maizumenus tuku 10.30 dadeer, iha Bairru Malepun, Aldeia Harame, Suku Aidabaleten, Sub distritu Atabae, Distritu Bobonaro, akontese diskute malu entre família husi Uma Lisan Lotan ho Uma Mane husi Uma Lisan Cowa no Aibuti Phun. Motivu husi insidente ne'e tanba parte rua hadau malu fatin atu harii Ai-Toos avó feto ho avó mane. Tuir família husi uma lisan Lotan hakarak harii Ai-Toos avó feto no avó mane iha fali fatin seluk maibé parte família uma mane husi uma lisan Cowa no Aibuti Phun hakarak kontinua iha fatin uluk ne’ebé avó sira harii ba. Insidente ne’ebé refere konsege akalma no rezolve kedas husi Komandante Eskuadra Atabae, ASD, CDO, OGL, Xefe Suku, Xefe Aldeia Harame, Beacou no Sulilaran. Nia rezultadu mak hotu-hotu konkorda harii Ai-Toos avó feto no avó mane ne'e iha fatin ida uluk ne’ebé avó sira harii no mós parte rua simu malu fila fali.