Description

Iha loron 14 Outubru 2014, maiz ou menus tuku 11:00 dader OTL, iha Bairo Buburlaran, Aldeia Rairobo, Suku Rairobo, Subdistritu Atabae, Distritu Bobonaro akontese istori malu entre Katuas ida ho Kazada ida (Feen no Laen) tanba du’un malu buan. Katuas ne’e deskofia kazada ne’e buan tanba halo nia oan na’in lima (5) moras dala ida de’it. Maibé kazada ne’e la simu no la satisfas ho katuas nia asaun hodi halo sira istoria malu no hatu’un malu. Polisia Eskuadra Atabae halo kedas atuasaun iha fatin akontesimentu no hakalma situasaun. Tuir mai iha loron 20 Outubru 2014, Polisia hamutuk ho Xefe Suku no Lian Na’in sira rezolve problema ne’e hodi tesi lia. Katuas ne’ebé envolve iha kazu ne’e responsabiliza ba Tua, Sigaru no Osan, enkuantu kazada ne’e responsabiliza ba Karau hodi sira hadame malu fali.